Թոփ-10 Համտեսել
Թոփ-10 Համտեսել
Հայկական ավանդական խոհանոցը հայտնի է իր հարուստ, բազմազան և համեղ ուտեստներով, որոնց վրա իրենց ազդեցությունն են ունեցել պատմությունը, մշակույթը և տեղակայվածությունը: Գաստրո—տուրը Հայաստանում ոչ միայն հոգու համար խնջույք է, այլև կապ երկրի ժառանգության և ավանդույթների հետ: Հայկական խոհանոցը տեղական թարմ բաղադրիչների՝ կանաչու, մրգերի, բանջարեղենի և մսի համադրություն է՝ այս ամենը յուրահատուկ համ է ստեղծում։ Այստեղ դուք կարող եք գտնել ինչպես մսային, այնպեսէլբուսականուտեստներիլայնտեսականի։
Հայկական խոհանոցը դարերի պատմություն ունի՝ միախառնելով հնագույն բաղադրատոմսերը ժամանակակից մոտեցումների հետ: Հայկական լավաշը, խորովածն ու տոլման փոխանցվել են սերնդեսերունդ՝ պահպանելով երկրի մշակութային ինքնությունը։ Բացահայտեք իսկական գաստրոնոմիական ժառանգությունը, ծանոթացեք խոհարարության ավանդական մեթոդներին և վայելեք հայ ժողովրդի հյուրընկալությունը:
Տոլման հայկական խոհանոցի ամենանշանավոր և ամենասիրված ուտեստներից է։ Սա համեղ, հագեցնող ուտեստ է, որը պատրաստվում է խաղողի տերևներից (նաև կաղամբի թերթերից)՝ լցոնած անուշաբույր աղացած մսով (սովորաբար գառան կամ տավարի), որին ավելացվում է բրինձ, խոտաբույսեր և համեմունքներ: Տոլման և՛ հայկական խոհարարական ավանդույթի խորհրդանիշ է, և՛ ընտանեկան ջերմության ու հյուրընկալության զգացում առաջացնող ուտեստ: Տոլմայի պատրաստման բաղադրատոմսը ավանդաբար փոխանցվում է ընտանիքի ավագ անդամներից փոքրերին։
Հարիսան խորապես արմատավորված է հայոց պատմության և մշակույթի մեջ: Ցորենից և սովորաբար հավից կամ գառան մսից պատրաստված այս առատ և սննդարար ուտեստը շիլա է, որը բավական երկար եփվում է կրակի վրա՝ հարուստ և համեղ ուտեստ ստանալու համար: Հարիսան հատկապես պահանջված է ձմռանը։
Հայկական ավանդական Խորովածը ճանաչվել է հայկական խոհանոցի ամենասիրված ուտեստներից մեկը։ Այն մսային ուտեստ է, որը ավանդաբար պատրաստվում է խոզի, գառան, տավարի կամ հավի մսի մարինացված կտորներից՝ շարվում է շամփուրներին և խորովվում բաց կրակի վրա: Խորովածն ավելին է, քան պարզապես կերակրատեսակ՝ այն սոցիալական և մշակութային իրադարձություն է։ Այն սերտորեն կապված է հյուրընկալության և տոնակատարության հայկական ավանդույթների հետ: Խորովածը հայկական ընտանիքներում ծննդյան տոնակատարությունների, հարսանեկան արարողությունների և այլ կարևոր տոների հիմնական ուտեստներից է։
Խաշը հայկական խոհանոցի ավանդական ուտեստ է։ Դա ապուրի տեսակ է, որը պատրաստվում է հորթի կամ գառան տոտիկներից։ Ճաշատեսակը սովորաբար դանդաղ եփվում է մի քանի ժամ, ինչի արդյունքում ստացվում է բուրավետ, սննդարար արգանակ՝ լի կոլագենով և բնական ժելատինով: Անծանոթներին կարող է անսովոր թվալ, բայց Հայաստանում խաշը սիրում են իր հանգստացնող և վերականգնող հատկությունների համար։ Այն հատկապես տարածված է ձմռան ամիսներին՝ ընկերներն ու ընտանիքները սովորաբար հավաքվում են խաշ ուտելու, քանի որ դա իսկական հատուկ արարողություն է:
Ղափաման ավանդական տոնական ուտեստ է՝ սովորաբար մատուցվում է հատուկ առիթների և տոների ժամանակ։ Դդումը լցոնվում է բրնձով, չրերով, ընկույզով և համեմունքներով՝ դրանք պատրաստվում են ամբողջական դդմի մեջ: Ստացված ուտեստը՝ վառ և համեղ, քաղցր և կծու համերի հրավառություն է, որը սովորաբար մատուցվում է Ամանորին և եկեղեցական տոներին՝ ինչպիսիք են Վարդավառը (Վերափոխման տոն) և Սուրբ Ծնունդը:
Ժենգյալով հացը հայկական ավանդական ուտեստ է՝ լցոնած մի շարք թարմ խոտաբույսերով: «Ժենգյալով հաց» անվանումը թարգմանաբար նշանակում է «կանաչիով հաց» և այն հայտնի ուտեստ է հատկապես Արցախի (Լեռնային Ղարաբաղ) տարածաշրջանում, թեև այն կգտնեք Հայաստանի ամբողջ տարածքում։ Հացը բավական փափուկ է, թարմ կանաչիների համեղ խառնուրդով լցոնված, լավ թխված։ Ժենգյալով Հաց պատրաստելու համար գոյություն ունի կանաչիների հատուկ ցանկ։
Խուրջինը հայկական ավանդական և յուրահատուկ ուտեստ է, որը հայտնի է հիմնականում իր խմորով։ Խուրջինը հաճախ անվանում են հայկական լցոնած պարկ։ Այն ավանդաբար պատրաստվում է խմորից, որը լցոնում են տարբեր միջուկներով, ապա փաթաթում ու թխում։ Միջուկը կարող է տարբեր լինել՝ միս, պանիր, բանջարեղեն կամ խոտաբույսեր՝ ստեղծելով անուշաբույր և հագեցած ուտեստ։
Խաշլաման մեկ այլ ավանդական հայկական ուտեստ է, որը հաճախ համարվում է հայկական ընտանեկան խոհարարության հոգին: Նուրբ միսը (սովորաբար գառան, թեև կարող է օգտագործվել նաև տավարի կամ խոզի միսը) համադրվում է բանջարեղենի և անուշաբույր կանաչիների հետ, այս ամբողջը երկար եփվում է՝ դառնալով համեղ, հագեցած ուտեստ: Խաշլաման սովորաբար մատուցվում է ցուրտ ամիսներին՝ սակայն խորհուրդ ենք տալիս փորձել նաև ամառային խաշլաման, այստեղ ավելացվում է տեղական համեղ օրգանական բանջարեղեն՝ վայելեք:
Շարոցը հայկական ավանդական քաղցրավենիք է, որը բաղկացած է պարզ բաղադրիչներից և ունի յուրահատուկ համեղ համ։ Շարոցը պատրաստվում է ընկույզից և խաղողի հյութից պատրաստված հատուկ օշարակից, ինչպես նաև որոշ համեմունքներից։ Այս պարզ համադրությունը ստեղծում է յուրահատուկ, հարուստ և հագեցած աղանդեր, որը միաժամանակ սննդարար է և համեղ:
Գաթան սիրված հայկական թխվածք է, որն առանձնահատուկ տեղ է գրավում հայերի սրտերում և սիրված է իր քաղցր, շերտավոր և հարուստ խմորի համար: Այս համեղ խմորեղենը պատրաստվում է խմորից և սովորաբար լցոնվում է շաքարավազի, կարագի և ալյուրի քաղցր խառնուրդով, որը հաճախ համեմված է վանիլով կամ հիլով: Գաթան սովորաբար ասոցացվում է Հայաստանյան տոների, փառատոնների և ընտանեկան հավաքույթների հետ՝ դարձնելով այն աղանդեր, որը և՛ համեղ է, և՛ խորապես արմատավորված հայկական մշակույթում: